Explosion Proof යන්නෙන් අදහස් කරන්නේ කුමක්ද යන්න තේරුම් ගැනීමට ප්‍රථම, අප එම පදයෙහි සන්දර්භය සහ එය නිර්වචනය කළ සංවිධානය දෙස බැලිය යුතුය. The National Fire Protection Association (NFPA) විසින් 1897 දී National Electric Code (NEC®) ලෙස කේත ක්‍රමයක් හඳුන්වා දෙන ලදි. මෙය NFPA codes සමඟ ගත් විට NFPA 70 සහ ANSI/NFPA 70 ලෙසද හඳුන්වන ලදි.
විවිධ වර්ගයේ අන්තරායකර ස්තානවල භාවිත කරන නිශ්පාදන සැලසුම් කිරිමේදී Explosion proof, dust ignition proof, dust tight, purged/pressurized, intrinsically safe, සහ hermetically sealed යනාදී වශයෙන් වර්ග කිරීමක් මෙහි අන්තර්ගත විය. මෙම නිර්වචන මඟින් එම උපකරනයේ සංරචක සපුරාලිය යුතු නිර්ණායක තීරණය වෙයි.
මෙහිදී අප කතා කරන Explosion proof ශ්‍රේණිගත කිරීමට අයත් උපකරණයක, ආවරනයෙන්(Enclosure) ඇතුලත ඕනෑම පුලිඟු ඇතිවීමක්, ගිනි දලු හට ගැනීමක් හෝ උෂ්ණත්වය ඉහල යෑමක් සිදු විය හැකිය. නමුත්, ආවරනයෙන් පිටතට එය නිරාවරනය නොකිරීම මඟින් උපකරනයෙන් පිටත ඇති ද්‍රව්‍ය සමග ගිනි ඇතිවීම වලක්වා ගත හැකිය. එබැවින්, Explosion proof යන්නෙන් එය බාහිර පිපිරුමකට ඔරොත්තු දිය හැකි බවක් අදහස් නොකෙරේ. උපකරනයේ අභ්‍යන්තර ගිනි පුපුරක් හෝ පිපිරීමක් වඩා විශාල පිපිරීමක් ඇතිවීමට සාදකයක් වීම වැළැක්වීම මෙහි අදහසයි.
මීට අමතරව, අදාල උපකරණය අවස්සථාව අනුව සපුරාලිය යුතු උෂ්ණත්ව අවශ්‍යතා පිලිබඳවද NEC හි ඇත. මෙයින් අදහස් කරන්නේ අදාල උපකරණයේ මෙහෙයුම් උෂ්ණත්වය; ස්ථාපනය කළ යුතු වායුගෝලයේ ඇති වායූන් හෝ දූවිලි වල අවම ජ්වලන / දහන උෂ්ණත්වයට වඩා වැඩි විය නොහැකි බවයි. අනුමත කර ඇති සියළුම උපකරණ ඒවායේ නාම පුවරුවේ(name tagහි) එහි වර්ගීකරණය සටහන් කර ඇත.
මෙම වර්ගීකරණය පිලිබඳව වැඩිදුර විස්තර මීලඟ ලිපිවල දී බලාපොරොත්තු වන්න.
